झंडो लहर लहर लहरावे रे बाबा रुणेचारा मेला में।
बाबा ढोल मंजीरा थारा बाजे। कोई वीणा खड़ताल बजावे रे।
झंडो लहर लहर....
बाबा रामसरोवर थारो। कोई कुटुम्ब कबीला न्हावेरे।
झंडो लहर लहर....
बाबा मेळो भरे न्यारो न्यारो थाने देखत मन हरखावे रे।
झंडो लहर लहर....
कोई जात झडूला थारे देवे कोई चूरमा रो भोग लगावे रे।
झंडो लहर लहर....
बाबो अँधा ने आख्या देवे बांझियारी गोद भरावे रे।
झंडो लहर लहर....
बाबो निकलंक परचाधारी भक्तारी आस पुरवे रे।
झंडो लहर लहर....
बाबो भक्तारी अरज सुनलो थारी चरणारी टेर लगावे रे।
झंडो लहर लहर....
भाटी हरजी बुलावे थारो बाबो भक्ताने आशिष देवे रे।
झंडो लहर लहर....
No comments:
Post a Comment